នាយរងផ្នែកជលផលដំដែក ត្រូវឃាត់ខ្លួន ពាក់ព័ន្ធអំពើពុករលួយជាង ៣សែនដុល្លា
28-April-2016 | ដោយ មែន កំសត់
សៀមរាប ៖ អង្គភាពប្រឆាំង អំពើពុករលួយ បានឃាត់ខ្លួន លោក រឹម សំអ៊ុន នាយរងទទួលបន្ទុករួម ផ្នែករដ្ឋបាលជលផលដំដែក ខណ្ឌរដ្ឋបាលជល សៀមរាប ពាក់ព័ន្ធនឹងអំពើពុករលួយ ជាង ៣សែនដុល្លា។ នេះបើតាមសេចក្តីប្រកាស របស់អង្គភាព ប្រឆាំងអំពើពុករលួយ នៅល្ងាចថ្ងៃទី២៧ ខែមេសា ឆ្នាំ២០១៦។
លោក រឹម សំអ៊ុន ត្រូវបានអង្គភាព ប្រឆាំងអំពើពុករលួយ ឃាត់ខ្លួននៅថ្ងៃទី២៦ ខែមេសា ហើយបានបញ្ជូនទៅកាន់សាលាដំបូង ខេត្តសៀមរាប នៅវេលាម៉ោង ២និង០០ នាទីរសៀល ថ្ងៃទី២៧ ខែមេសា ឆ្នាំ២០១៦នេះ។ អង្គភាពប្រឆាំងអំពើពុករលួយ បានរកឃើញថា ឈ្មោះ រឹម សំអ៊ុន បានប្រព្រឹត្តអំពើពុករលួយ «បទវីតិក្រម» មាត្រា៥៩៧ នៃក្រមព្រហ្មទណ្ឌ ដោយបានទាមទារ និងទទួលប្រាក់ ប្រមាណ១.៤៦០លានរៀល (ប្រហែល ៣៦៥.០០០ដុល្លារអាមេរិក) ពីប្រជានេសាទ និងបទល្មើសជលផល ដែលកើតមានឡើង ក្នុងដែនសមត្ថកិច្ចរបស់ខ្លួន៕
ចំនួនអ្នកទស្សនា
- ថ្ងៃនេះ9331
- ម្សិលមិញ12561
- សប្តាហ៍នេះ37281
- ខែនេះ59161
- ឆ្នាំនេះ59161
- សរុប20501617